Realidade Aumentada
Ola de novo!!
Hoxe traémosvos unha actividade que de seguro vai ser unha das vosas favoritas!
Unha actividade que levaremos a cabo na clase que integra a Realidade Aumentada!
A aplicación que utilizaremos será QuiverVision.Pulsando na imaxe que presentamos a continuación podedes acceder ás máscaras.
Xustificación:
Será realizada uns días antes das vacacións de entroido. Na aula proporemoslles ás crianzas varias máscaras de animais para escoller, cada unha escollerá a que máis lle guste.
A actividade consiste en que elas a pinten e decoren libremente. Despois na asamblea cada unha expoñerá a súa máscara e contaranos o proceso que seguiu para a súa elaboración. As mestras teremos unha tablet con nós e a medida que cada crianza expón ensinarémoslle a súa máscara en Realidade Aumentada. O resto verana á vez na pizarra dixital.
Con esta actividade as crianzas traballan o tema do entroido pero dende unha pespectiva máis ampla, xa que principalmente o noso proxecto está enfocado ao entroido galego. Por outra banda grazas a RA teñen novas experiencias e aprendizaxes a través das novas tecnoloxías.
Obxectivos:
Diferenciar as máscaras galegas das máscaras de animais.
Iniciarse na utilización de aplicacións de Realidade Aumentada.
Fomentar as actividades plásticas e artísticas.
Contidos:
Diferenciación das máscaras galegas das máscaras de animais.
Iniciación na utilización de aplicacións de Realidade Aumentada.
Fomento das actividades plásticas e artísticas.
A continuación ensinámosvos uns exemplos:
Máscaras decoradas e pintadas polas crianzas
Máscaras en Realidade Virtual
Ata a próxima! Apertas!
Comentarios
Publicar un comentario