Actividade Interactiva "Costumes de Entroido"
Ola a todas e todos! Como estades?
Hoxe vamos a propoñervos unha actividade interactiva para realizar conxuntamente familias e crianzas. Esta actividade trata por suposto sobre o entroido! Seguro que sabedes un montón sobre el! A continuación adxuntamos a explicación.
O obxectivo desta actividade é que as crianzas identifiquen algúns dos costumes mais significativos do entroido.
En canto ao Decreto 330/2009, do 4 de xuño, polo que se establece o currículo da educación infantil na Comunidade Autónoma de Galicia esta actividade pertencería ao Bloque 3: Cultura e vida en sociedade e os obxectivos mais salientables dese bloque serían:
-Observar e explorar de forma activa o seu contorno, xerando interpretacións sobre algunhas situacións e feitos significativos, e mais mostrando interese polo seu coñecemento.
-Apreciar e facer seus algúns elementos significativos propios da tradición e da cultura galega -expresións artísticas, costumes, festas populares, folclore, gastronomía, etc.-.
En canto a metodoloxía esta actividade será realizada de maneira conxunta entre a crianza e a súa familia no seu fogar. Creemos que é unha maneira moi interesante de traballar xa que a crianza comentará o aprendido e traballado na clase ;e poderá amplialo coas experiencias e saberes da súa familia.
As competencias que traballaremos son a competencia cultural e artística xa que o entroido forma parte da cultura galega, a competencia dixital debido a que as crianzas fan uso das novas tecnoloxías para a realización da actividade e por último autonomía e iniciativa persoal porque elas mesmas (en supervisión neste caso da súa familia) son as que realizan a actividade utilizando as ferramentas tic.
Os recursos materiais necesarios para a súa realización son un ordenador ou tablet e conexión a internet. Tamén precisaremos como recurso persoal unha persoa adulta da familia que lle preste axuda.
Esta actividade está proposta para realizar cando comecemos a tratar o tema do entroido na clase. Axudará ás crianzas a asentar os coñecementos básicos sobre a mesma a vez que os amplía coas conversas ca familia a hora de realizar a actividade. E será avaliada a través dunha lista de control elaborada polas docentes. Esta lista será completada ao inicio da unidade didáctica (para saber os coñecementos previos do alumnado) e ao final da mesma para ver o seu progreso e realizar así unha avaliación continua centrada na mellora do aprendizaxe.
Alguns dos items presentes nesa lista son:
Relaciona os desfiles e comparsas ca festividade de entroido
Recoñece platos típicos de entroido
Identifica alguns dos personaxes galegos do entroido
Comentarios
Publicar un comentario